Azərbaycanı Paralimpiya Oyunlarında təmsil edəcək daha bir idmançının adı müəyyənləşib.

Prosport.Az-ın xəbərinə görə, bu, paraatletikada Rüfət Rəfiyevdir.

Milli Olimpiya Komitəsi nüvəitələmədə Samir Nəbiyevlə Rüfət Rəfiyev arasında ən güclünü müəyyənləşdirmək istəyib. Lakin iyulun 5-dəki əlavə yarışa S.Nəbiyev etiraz olaraq gəlməyib. Nəticədə "bipartite" üçün R.Rəfiyevin adı Beynəlxalq Paralimpiya Komitəsinə göndərilib. Bununla da R.Rəfiyev Paris Paralimpiya Oyunlarında iştirakı dəqiqləşən 13-cü idmançımız olub.

Qeyd edək ki, Samir Nəbiyev əlil olduğu üçün özünün Paralimpiya Oyunlarına aparılmalı olduğunu iddia edir. O, sabah gənclər və idman naziri Fərid Qayıbovun qəbulunda olacaq və bu barədə şikayətini çatdıracaq.

Səbuhi Musa