“Sabah” komandası heyətinə yeni basketbolçu qatıb.

Prosport.Az xəbər verir ki, Latviya millisi ilə son dünya çempionatında 5-ci olan mərkəz oyunçusu Klav Çavarla 2 illik müqavilə imzalayıb.

2,08 metr boya malik 28 yaşlı basketbolçu son mövsümdə Yaponiyanın “Yokohama Eksellens” klubunda 50 oyuna çıxıb.

Qeyd edək ki, ötən mövsüm basketbol liqasının qalibi olan “Sabah” Azərbaycanı FIBA Çempionlar Liqasında təmsil edəcək.