Basketbolun 3x3 növü üzrə Azərbaycan millisi Qadın Seriyasının Fribur mərhələsində iştirak etməyəcək.

Prosport.Az xəbər verir ki, püşkatmaya da qatılan yığmamız İspaniya və İrlandiya ilə eyni qrupa düşsə də, son anda iştirakçılar siyahısını tərk edib.

Sabah başlayacaq turnirdə Azərbaycan millisini İsveçrə əvəzləyəcək. 2 gün davam edəcək mərhələdə 12 komanda mübarizə aparacaq.

Qeyd edək ki, indiyədək 2 mərhələdə – Qəbələ və Klermon Feronda qüvvəsini sınayan millimizin növbəti sınağı iyulun 9-10-da Bordoda gerçəkləşəcək.