Elm və təhsil naziri, Azərbaycan Basketbol Federasiyasının (ABF) prezidenti Emin Əmrullayev "Qarabağ"ın məşqindən video paylaşıb.

Prosport.Az xəbər verir ki, nazir basketbol oynayan komanda üzvləri barədə bunları yazıb:

"Qarabağ" Klubunun futbolçularının basketbol məharəti! Afərin! Basketbolun təşviqinə görə Qurban Qurbanova xüsusi təşəkkür edirəm.

"Qarabağ" Futbol Klubunu Çempionlar Liqasının qrup mərhələsində, "Qarabağ" Basketbol Klubunu isə Azərbaycan Basketbol Liqasında görmək ümidi ilə..."

Qeyd edək ki, ABF və "Qarabağ" rəhbərliyi arasında əvvəllər klubun basketbol komandasının yaradılması barədə müzakirələr aparılıb.