3x3 basketbol üzrə Qadın Seriyasının Quba və Bakı mərhələsində iştirak edəcək komandaların adları dəqiqləşib.

Prosport.Az xəbər verir ki, 20-21 iyulda baş tutacaq Quba mərhələsində 8 komanda mübarizə aparacaq.

Bunlar Niderland, Çexiya, Avstraliya, Çin U-24 yığması, Filippin, İran milliləri ilə yanaşı, Almaniyanın “Düsseldorf Zoos” (Almaniya), və Azərbaycanın “Baku Fleyms” komandasıdır. Yığmamızın Olimpiadada rəqiblərindən olan Avstraliya millisi məhz mötəbər yarış öncəsi son sınağını Bakıda verəcək. Yeri gəlmişkən, ilk dəfə Azərbaycanda keçirilən yarışda millimiz çıxış etməyəcək.

17-18 avqustda keçiriləcək Bakı mərhələsində isə hələ ki 3 komandanın iştirakı dəqiqləşib. Bunlar Fransa, Avstriya milliləri və Macarıstanın "Dyör" komandasıdır. Olimpiadanın digər iştirakçısı və meydan sahibi Fransa da həmin turnirdən sonra ilk oyununu məhz paytaxtımızda keçirəcək.

Qeyd edək ki, bu ayın əvvəlində Qəbələdə keçirilmiş mərhələnin qalibi İtaliya millisi olub.