Azərbaycanın 16 və 18 yaşadək basketbolçu qızlardan ibarət milliləri Bakıda keçirilən təlim-məşq toplanışının 1-ci mərhələsini başa vurub.

Prosport.Az xəbər verir ki, türkiyəli mütəxəssis Evren Alkayanın rəhbərlik etdiyi komandalar taktiki, texniki və fiziki çalışmaları mütəmadi şəkildə davam etdirərək, bir neçə uğurlu yoxlama oyunu da keçirib.

Bu yığmalar sabah Avropa çempionatı öncəsi son hazırlıqlar üçün Kiprə yola düşəcək. Kiprdə 7 gün təlim-məşq toplanışı keçirdikdən sonra U-16 yığmamız iyulun 9-dan 14-dək Cəbəllüttariqdə baş tutacaq Avropa çempionatının C divizionunun oyunlarına yollanacaq.