3x3 basketbolu üzrə millimiz Qadın Seriyası üzrə 4-cü mərhələ yarışını 5-ci sırada başa vurub.

Prosport.Az-ın xəbərinə görə, yığmamız meydan sahibi Fransaya 1/4 finalda minimal hesabla məğlub olub – 20:21. Bununla da millimiz 5-ci yeri tutub.

Finalda isə Fransa Kanadaya 21:12 qalib gələrək çempion olub.

10:21

Bu gün Azərbaycanın qadınlardan ibarət 3x3 basketbol millisi Qadın Seriyasının Fransanın Klermon Feron şəhərində keçirilən mərhələsində növbəti oyununu keçirəcək.

Prosport.Az xəbər verir ki, yığma 1/4 final matçında Fransa ilə üz-üzə gələcək.

Görüş Bakı vaxı vaxtı ilə saat 22:20-də start götürəcək.

Qeyd edək ki, Raşa Deliçin yetirmələri ilk matçda Filippin üzərində 22:17 hesablı qələbə qazanıb. Millimiz növbəti görüşdə Niderlanda 12:21 hesabı ilə məğlub olsa da, qrup 2-cisi kimi adını növbəti mərhələyə yazdırıb.

Millimiz ilk 4 mərhələdən sonra 45 xalla 19-cu yerdə qərarlaşıb. Komandamız bunadək cəmi 1 mərhələdə – Qəbələdə iştirak edib.