Kişilərdən ibarət 3x3 basketbolu üzrə millimiz Kosovonun paytaxtı Priştinada keçirilən Avropa Kubokunun təsnifat mərhələsində növbəti oyununa çıxıb.

Prosport.Az xəbər verir ki, yığmamız 3-cü matçında Kipr seçməsi ilə üz-üzə gəlib.

Komandamız rəqibini 21:16 hesabı ilə üstələyərək B qrupunun lideri kimi pley-offa yüksəlib. Priştinada yağış yağdığından, B qrupunda Azərbaycan – Albaniya görüşü sabaha keçirilib. Matç Bakı vaxtı ilə saat 14:50-də başlayacaq. Komandamız hazırda qrupda liderdir. Qrup liderliyi komandamıza birbaşa yarımfinala, təsnifat mərhələsinin qalibi olmaq isə Avropa Kubokuna vəsiqə qazandıracaq.

Qeyd edək ki, ilk görüşdə Ermənistan kollektivini məğlub edən (21:9) millimiz Kosovodan da güclü olub –14:10.

Qadın millimiz isə yer aldığı A qrupunda Maltanı 17:14 məğlub edib. Hazırda qrupda lider olan yığmamız sabah Bakı vaxtı ilə saat 14:25-də Lüksemburqla qarşılaşacaq.

16:41

Kişilərdən ibarət 3x3 basketbol üzrə Azərbaycan millisi Kosovonun paytaxtı Priştinada keçirilən Avropa Kubokunun təsnifat mərhələsində növbəti oyununa çıxıb.

Prosport.Az xəbər verir ki, yığma 2-ci matçında Kosovo seçməsi ilə üz-üzə gəlib.

Komandamız meydan sahiblərini 14:10 hesabı ilə üstələyib.

Qeyd edək ki, ilk görüşdə Ermənistan kollektivini məğlub edən (21:9) millimiz hazırda B qrupunda liderdir.

12:21

Kişilərdən ibarət 3x3 basketbol üzrə Azərbaycan millisi Kosovonun paytaxtı Priştinada keçiriləcək Avropa Kubokunun təsnifat mərhələsinə qələbə ilə start verib.

Prosport.Az xəbər verir ki, yığma ilk matçında Ermənistan seçməsi ilə üz-üzə gəlib.

Komandamız rəqibini 21:9 hesabı ilə üstələyib.

Qeyd edək ki, Azərbaycan millisi bu gün Kosovo və Kiprlə də üz-üzə gələcək. Qadınlardan ibarət yığma isə Malta və Lüksemburqu sınağa çəkəcək.