Bu gün Azərbaycan Texniki Universitetinin konfrans zalında Azərbaycan Basketbol Federasiyasının 2024/25-ci il mövsümü üçün gündəlikdə olan məsələlərlə bağlı müzakirə xarakterli görüşü baş tutub.

Prosport.Az xəbər verir ki, görüşdə federasiya prezidenti Emin Əmrullayevlə yanaşı, Rəyasət Heyətinin üzvləri, federasiya rəsmiləri və klub nümayəndələri də iştirak edib.

Gündəlikdə Azərbaycan Basketbol Liqasında (ABL) iştirak edəcək klubların sayı, legioner və yerli oyunçu limitləri, I Liqa və klublara bağlı U-14 liqasının yaradılması, qadın basketbol klublarının əsaslı təşkili barədə fikir mübadiləsi aparılıb. İclasda bütün klub rəsmilərinin fikirləri federasiya rəhbərliyi tərəfindən diqqətə alınıb. Sonda federasiya prezidenti Emin Əmrullayev qarşıdakı günlərdə yekun qərarların klub rəsmilərinə bəyan ediləcəyini söyləyərək, görüşü yekunlaşdırıb.