3x3 kişi basketbol millimiz Avropa Kubokunun Kosovonun paytaxtı Priştinada keçiriləcək seçmə mərhələsinə Ermənistanla görüşlə start verəcək.

Prosport.Az-ın xəbərinə görə, 8-9 iyun tarixlərində baş tutacaq yarışda kişi millimizin qrupunda 5, qadın yığmamızda 3 komanda mübarizə aparacaq.

Kişilər (B qrupu)
8 iyun
13:30 Ermənistan – Azərbaycan
18:10 Azərbaycan – Kosovo
21:40 Kipr – Azərbaycan

9 iyun
01:45 Azərbaycan – Albaniya

Qadınlar (A qrupu)
8 iyun
19:50 Azərbaycan – Malta

9 iyun
01:20 Azərbaycan – Lüksemburq

Qrup qalibləri birbaşa yarımfinala vəsiqə qazanır. Qrupda 2-ci və 3-cü yeri tutmuş komandalar isə yarımfinala çıxmaq üçün mübarizə aparır. Həm kişi, həm də qadınlar üzrə mərhələnin qalibi 22-25 avqustda Avstriyanın paytaxtı Vyanada keçiriləcək Avropa Kubokuna vəsiqə qazanacaq. 

Qeyd edək ki, artıq millilərimizin bu yarış üçün yekun heyəti də bəllidir. Reytinqcə Priştina mərhələsinin İrlandiyadan sonra 2-ci komandası olan kişi millimizdə Cordan Deyvis, Amil Həmzəyev, Cəbrayıl Əkbərov və Endər Poladxanlı yarışacaq. Reytinq favorit sayılan qadın millimizdə isə Tatyana Deniskina, Aleksandra Molenhauer, Dina Ulyanova və Mersedes Voker çıxış edəcək.