3x3 basketbolu üzrə Qadın Seriyasında Qəbələ mərhələsinin qalibi müəyyənləşib.

Prosport.Az xəbər verir ki, finalda İtaliya millisi ilə "Barselona Panters" (İspaniya) klubu üz-üzə gəlib.

15:12 hesabı ilə qələbə qazanan italiyalılar B qrupundakı məğlubiyyətin qisasını alaraq turnirin qalibi olub.

Qeyd edək ki, yarımfinal görüşlərində "Barselona Panters" Portuqaliyaya (20:13), İtaliya isə Polşaya (13:12) qalib gəlib.

Azərbaycan millisi mübarizəni 1/4 finalda, "Baku Fleyms" klubu isə qrup mərhələsində dayandırıb. 2 aparıcısı oyunçusu olmayan millimiz qrupda "Baku Fleyms"ə 21:6 qalib gəlsə də, daha sonra Portuqaliyaya 13:21, "Varşava Lotto"ya 16:21 uduzub. 1/4 finalda isə yığma finalçı "Barselona Panters"ə böyük hesabla uduzub – 8:21. Azərbaycan bu mərhələni 6-cı, bütün görüşlərdə uduzmuş debütant "Baku Fleyms" sonuncu – 8-ci olub.