3x3 basketbolu üzrə millimizin aparıcı üzvü Aleksandra Molenhauer zədələnib.

Prosport.Az-ın xəbərinə görə, amerikan-alman əsilli basketbolçunu bu səbəbdən bu gün Qəbələdə start götürəcək 3x3 basketbolu üzrə Qadın Seriyasının III mərhələ yarışında Binata Rizvanova əvəzləyib. Beləliklə, millimiz Qəbələdə Tatyana Deniskina, Binata Rizvanova, Dina Ulyanova və Mersedes Vokerlə çıxış edəcək. 

Həmçinin, yeni yaradılmış "Baku Fleyms" komandasında Sali Əl-Xuri, Nailə Əlisultanova, Həvva Nastakalova və Evelina Qaradağlı mübarizə aparacaq. Ötən mövsüm millimiz adından 3x3 yarışlarında çıxış etmiş Ləman İbrahimova bu dəfə zədə səbəbindən yarışı buraxacaq. Ancaq Aleksandra Molenhauer və Ləman İbrahimova komanda ilə Qəbələyə gətirilib.

Qeyd edək ki, Olimpiadaya vəsiqə qazanmış 3x3 basketbolu üzrə millimizin digər amerikan əsilli üzvü Tifani Hayes də bu dəfə yığmamızda olmayacaq.

Onu da bildirək ki, millimiz bu yarışın favoriti sayılır.

Səbuhi Musa