Qəbələ şəhərinə yağan yağış 3x3 basketbolu üzrə Qadın Seriyasının mərhələ yarışının məkanının dəyişməsinə səbəb olub.

Prosport.Az-ın xəbərinə görə, yarış qapalı məkanda - Qəbələ Olimpiya İdman Kompleksində keçiriləcək.

Oyunların başlanma vaxtı isə saat 19:00-a çəkilib.

15:41

Bu gün Qəbələdə start götürəcək 3x3 basketbolu üzrə Qadın Seriyasının III mərhələ yarışı nəzərdə tutulduğu vaxtdan gec başlayacaq.

Prosport.Az-ın Qəbələyə ezam olunmuş əməkdaşının verdiyi xəbərə görə, buna səbəb sözügedən şəhərə güclü yağışın yağmasıdır.

Yağış "Qəbələnd" əyləncə mərkəzində açıq havada keçirilməli olan yarışın başlanmasına mane olub. Bu səbəbdən də saat 16:30-da başlamalı görüş 17:00 və ya 17:30-da start götürəcək.

Qeyd edək ki, ilk oyunda Azərbaycan millisi ilə yeni yaradılmış "Baku Fleyms" üz-üzə gələcək.

Səbuhi Musa