Azərbaycan Basketbol Liqasında həlledici mərhələyə start verilib.

Prosport.Az xəbər verir ki, "Xırdalan" və "NTD-İndiqo" komandaları üçüncü yer uğrunda ilk oyunda üz-üzə gəliblər.

"Sərhədçi" İdman Mərkəzində reallaşan qarşılaşma 95:79 hesabı ilə Xaçmaz təmsilçisinin xeyrinə başa çatıb.

Seriyanın ikinci matçı mayın 18-də baş tutacaq. İki görüşün yekununda qalib müəyyənləşməsə, üçüncü duel mayın 21-də gerçəkləşəcək.

Qeyd edək ki, sabah final seriyasının ilk oyununda "Xəzri" və "Sabah" kollektivləri qarşılaşacaqlar.