“İki komandada pley-off-lara görə oyunçularını qoruyurdu. Hesabın böyük olmaması da bunu göstərir. Diqqətli şəkildə oynadıq".
Prosport.Az xəbər verir ki, bu sözləri “Sərhədçi”nin baş məşqçisi Evren Alkaya Azərbaycan Basketbol Liqasının müntəzəm mövsümünün son oyununda “Neftçi”yə 69:73 hesabi ilə məğlub olduqları oyunu şərh edərkən deyib.
Türkiyəli mütəxəssis "üçlük"lərin uğurlu olmadığını bildirib: "31 cəhddən yalnız 3-də dəqiq olduq. Çox pis nəticədir. Bu da bizim oyunumuza təsir etdi. 3-cü və 4-cü periodları biz qazandıq. Oyunboyu bunu etsəydik, nəticə fərqli olardı. Amma ən önəmlisi zədəsiz pley-off-a çıxmaq idi. Bundan sonrakı 4 gün ərzində hazırlaşacağıq. Bütün çətinlikləri keçib zirvəyə getməyə cəhd göstərəcəyik”.