Azərbaycan Basketbol Liqasında (ABL) XVIII turun proqramı bəlli olub.

Prosport.Az xəbər verir ki, müntəzəm mövsümün son oyunları aprelin 24-28-i aralığında keçiriləcək.

Aprelin 24-də, saat 19:00-da mərkəzi qarşılaşmada "Sabah" və "Xəzri" komandaları üz-üzə gələcək. Qalib komanda mövsümü 1-ci pillədə başa vuracaq.

Müntəzəm mövsüm aprelin 28-də "NTD-İndiqo" – "Şəki" matçı ilə başa çatacaq.

Azərbaycan Basketbol Liqası
XVIII tur
24 aprel
19:00 "Sabah" – "Xəzri"
“Sərhədçi” İdman Mərkəzi

25 aprel
19:30 "Xırdalan" – "Cəlilabad"
“Sərhədçi” İdman Mərkəzi

26 aprel
19:30 "Sərhədçi" – "Neftçi"
“Sərhədçi” İdman Mərkəzi

27 aprel
14:00 "Gəncə" – "Sumqayıt"
Gəncə Olimpiya İdman Kompleksi

28 aprel
14:00 "NTD-İndiqo" – "Şəki"
Xaçmaz Olimpiya İdman Kompleksi

Qeyd edək ki, "Sabah" hazırda 31 xalla liderdir. 2-ci sıradakı "NTD-İndiqo" və 3-cü yerdəki "Xəzri"nin 30 xalı var. "Xırdalan" 28 xalla 4-cü, eyni xala malik "Neftçi" 5-cidir. Növbəti pillələrdə "Sərhədçi" (24 xal), "Sumqayıt" (23), "Cəlilabad" (22), "Gəncə" (21) və "Şəki" (18) qərarlaşıb.