Azərbaycan şahmatçısı Nicat Abasov Kanadanın Toronto şəhərində keçirilən Namizədlər Turnirində sonuncu görüşünə çıxıb.

Prosport.Az xəbər verir ki, 28 yaşlı qrossmeyster XIV turda Rameşbabu Praqnanandha (Hindistan) ilə üz-üzə gəlib.

Ağ fiqurlar Abasova kömək olmayıb və o, ilk görüşdəki kimi rəqibinə uduzub. 14 turun nəticəsinə əsasən, N.Abasov 3,5 xalla sonuncu - 8-ci yeri tutub.

Hikaru Nakamura (ABŞ) - Dommaracu Qukeş (Hindistan), Vidit Santoş (Hindistan) - Əlireza Firuzca (Fransa), Yan Nepomnyaşi (FIDE) - Fabiano Karuana (ABŞ) görüşləri heç-heçə bitib.

Turnirin qalibi 9 xalla Qukeş olub. Hərəyə 8,5 xal toplayan qrossmeysterlərdən Nakamura ikinci, Nepomnyaşşi üçüncü, Karuana isə dördüncü yeri tutub.

Nepomnyaşşi turnirdə bir dəfə də uduzmayan (3 qələbə, 11 heç-heçə) yeganə şahmatçıdır.

Qeyd edək ki, qadınlar arasında Namizədlər Turnirinin qalibi 9 xalla Çin şahmatçısı Tan Çjunyi olub.