Basketbol üzrə Azərbaycan Kubokunun qalibi bəlli olub.

Prosport.Az xəbər verir ki, finalda "Xəzri" və "Neftçi" klubları üz-üzə gəlib.

Dolu tribunalar qarşısında keçirilən oyunda görüşə "Xəzri" üstün başlayıb və hesabda 10 xal fərqi ilə üstünlük yaxalayıb. Lakin sonradan geridönüş etməyi bacaran "Neftçi" yekunda 65:61 hesablı qələbə qazanaraq, kubokun sahibi olub. Finalın ən dəyərli oyunçusu (MVP) "Neftçi" dən Ulaş Turqut seçilib. Ona mükafatı Azərbaycan Basketbol Federasiyasının Rəyasət Heyətinin üzvü, Azərbaycan Texniki Universitetinin rektoru Vilayət Vəliyev təqdim edib.

Həmçinin, "Xırdalan" pivə şirkətinin nümayəndəsi tərəfindən "Xəzri"nin amerikalı basketbolçusu Endryu Platekə 3 xallıq atış üzrə müsabiqənin qalibi kimi 3333 manata sahib çıxdığını əks etdirən plakat verilib.

Qalib "Neftçi"yə isə 25 min manat pul təqdim olunub. Kuboku komandaya federasiyanın Rəyasət Heyətinin üzvü, eləcə də BP-nin Xəzər bölgəsində Xarici əlaqələr və kommunikasiya üzrə vitse prezidenti, Bakı Dövlət Universitetinin Himayəçilər Şurasının üzvü olan Bəxtiyar Aslanbəyli təqdim edib.

Qeyd edək ki, ötən mövsüm "Gəncə" komandası bu titula sahib çıxıb.