“Sərhədçi” Azərbaycan Basketbol Liqasının XVII turunda "Xəzri"yə 98:70 hesabı ilə qalib gəlib.

Prosport.Az xəbər verir ki, hər iki komandanın baş məşqçisi matçla bağlı fikirlərini klubun mətbuat xidməti ilə bölüşüblər:

Evren Alkaya ("Sərhədçi"nin baş məşqçisi): “Oyunun çətin olacağını bilirdik. Ciddi hazırlaşırdıq. Bundan öncəki məğlubiyyətdən sonra bu oyunu qazanmağımız vacib idi. Hazırda rəqibin oyunçularında zədələr var, yeni dönənlər də oldu, biz də bunu dəyərləndirməliydik. Rəqibimiz yaxşı klubdur, baş məqçisi də həmçinin. Dediyim kimi, çox ciddi hazırlaşdıq. İlk hissədə aşağı nəticə göstərdik, amma daha sonra yaxşı atışlarımız oldu. Növbəti matçlarda da, ümidvaram ki, yüksək nəticələr əldə edərik. Kubok matçını da bu şəkildə qazanmaq istəyirik. Pley-off matçları növbəti həftəyə qaldı. Liqanın sonuncu həftəsində “Gəncə” – “Sumqayıt” matçından sonra bəlli olacaq. Əgər bu tur “Sumqayıt” “Sabah”a uduzsa, pley-off mərhələsinə vəsiqəni təmin edəcəyik. Dediyim kimi ciddi hazırlaşacağıq”

Murat Dikmən ("Xəzri” klubunun baş məşqçisi): "İlk olaraq “Sərhədçi” kollektivini təbrik edirəm. Haqları olan qalibiyyəti qazandılar. Təəssüf ki, çempionatda ardıcıl olaraq 2-ci məğlubiyyətimizi aldıq. Yaxşı oyun sərgiləmirik. Qarşıda bizi kubok oyunu gözləyir. Tamamilə beynimizi təmizləyərək bütün fikirimizi ora yönəldəcəyik. Daha sonra isə liqada “Sabah” ilə matç bizi gözləyir. O görüşə də yaxşı hazırlaşmalıyıq. Bu nəticədən sonra çempionatı 3-cü sırada yekunlaşdırdıq. Sırası ilə qarşımızdakı oyunlara hazırlaşacağıq. Hədəfimiz hər zaman zirvəyə oynamaqdır. Bu cür hallar normal qarşılanmalıdır. Əlavə olaraq da matçın hakimi ilə bağlı problemlər yaşayırıq. Əli Əkbər mövsümün əvvəlindən başlayaraq verdiyi qərarlarla matçın önünə keçir. Düşünürəm ki, artıq federasiya buna "dayan" deməlidir".