"Sabah" basketbol klubunun baş məşqçisi Rimas Kurtinaytisin səhhətində problem yaranıb.

Prosport.Az-ın xəbərinə görə, tanınmış litvalı çalışdırıcı Azərbaycan Basketbol Liqasının XVI turunun "Şəki" komandası ilə oyununa əlil arabasında gəlib.

Klubun mətbuat xidmətindən saytımıza verilən məlumata görə, Kurtinaytisin basketbol oynadığı vaxtda sağ dizində olan zədə ona gəzməyə imkan vermir. Bu səbəbdən o bir müddət həkim nəzarəti altında müalicə alacaq.

Qeyd edək ki, SSRİ basketbol millisi ilə olimpiya çempionu olmuş Rimas Kurtinaytis əvvəllər kişi yığmamızın və "Qala" komandasını da çalışdırıb. O bu matçadək bir müddət oyunlara gəlməyib, komandanı meydana köməkçisi çıxarıb.

Səbuhi Musa