Qadın həndbolçulardan ibarət Azərbaycan millisi AVRO-2024-ün seçmə mərhələsində növbəti oyununu keçirib.

Prosport.Az xəbər verir ki, Aleksandr Revvanın baş məşqçisi olduğu yığma V turda Şimali Makedoniya ilə qarşılaşıb.

Bu, həndbolçularımızın son ev sınağı olub. Səfərdə 17:40 hesabı ilə uduzan millimiz bu dəfə də rəqibi ilə bacarmayıb. Qarşılaşma qonaq komandanın böyük üstünlüyü ilə keçib.

5-ci qrupun autsayderi olan komandamız AVRO-2024-ə yükəlmək şansını minimuma endirib. Çünki son turda qrup lideri İspaniyadan xal qoparmaq inandırıcı görünmür.

Qeyd edək ki, qrup mərhələsində ilk iki yeri tutan komandalar və “üçüncülər” arasında ən yaxşı dörd yığma final mərhələsinə vəsiqə qazanacaq.