Milimizin və “Qarabağ”ın qapıçısı Şahruddin Məhəmmədəliyev Moskva gəncliyi günlərini xatırlayıb.

Prosport.Az xəbər verir ki, o, championat.com-a müsahibəsində deyib:

“Kimin sınaqları yoxdur? Əlbəttə mənim də sınaqlarım olub. Amma gecə klubları mənim işim deyil. Komandadakı uşaqlar siqaret çəkirdilər, içə bilirdilər və mən isə atamdan çox qorxurdum. Başa düşdüm ki, o, məni Moskvaya göndərib, Dağıstanda işləyir ki, mən burada inkişaf edim, yetişim. Xalam və əmim də çox kömək etdilər. Bu qədər uzun müddət mənimlə səbirli olduqları üçün onlara təşəkkür edirəm. 2 il onlarla yaşadım. Sonra valideynlər Mahaçqaladakı evi satdılar və yaxınlıqda olmaq üçün Moskvada mənzil aldılar. Atam bir neçə müsahibədən keçməli oldu. Axı Qafqaz millətindən olan insanlar üçün Moskvada iş tapmaq asan deyil. Ancaq o, öz sahəsində böyük mütəxəssisdir və ağıllı insandır. Buna görə də onun üçün bir az daha asan oldu".

Qeyd edək ki, 2009-2011-ci illərdə "Torpedo", 2011-2012-ci illərdə "Stroqino" və 2012-ci ildə "Anji" klublarının uşaq və gənclərdən ibarət komandalarında oynayıb.