Azərbaycanın daha 3 taekvondoçusu Bakıdakı dünya çempionatında mübarizəni dayandırıb.

Prosport.Az xəbər verir ki, 80 kq çəki dərəcəsində çıxış edən Əliəskər Əliyev 1/16 final mərhələsində Ababakar Sumare (Seneqal) ilə dueldən qalib ayrılsa da, Miqel Treyosunun (Kolumbiya) müqavimətini qıra bilməyib.

87 kq-da mübarizə aparan Taleh Süleymanov Manuel Poleti (Belçika) yensə də, Maykl Rodriqeslə (ABŞ) bacarmayıb.

Qadınların yarışında Rio-2016 Olimpiya Oyunlarının bürünc mükafatçısı Patimat Abakarova da uğursuzluğa düçar olub. 49 kq-da qüvvəsini sınayan idmançı 1/16 finalda Çina Murakamini (Yaponiya) yenib. O, 1/8 finalda Botagez Kapanovaya (Qazaxıstan) məğlub olub.

Qeyd edək ki, iyunun 4-də başa çatacaq dünya çempionatında daha əvvəl Azərbaycanın 3 idmançısı medal qazana bilməmişdi.