"Gəncə" komandasının məşqində Novruz bayramı qeyd olunub.

Prosport.Az xəbər verir ki, bayram şirniyyatlarından, qoz-fındıq və digər çərəzlərdən bəzədilən xonça legionerlər tərəfindən maraqla qarşılanıb. Onlara Novruzun adət-ənənələrindən bəhs olunub, bu bayramın Azərbaycanda təntənəli şəkildə qeyd olunduğu bildirilib.

Dadı ilə bütün ölkəyə səs salan Gəncə paxlavası və şəkərburası legionerlərin də diqqətini çəkib və onların çox xoşuna gəlib.

Basketbolçular Novruz bayramının əyləncəli oyunlarından biri olan yumurta da döyüşdürüb.