"Sərhədçi" İdman Mərkəzində basketbol üzrə Azərbaycan Kubokunun A qrupunda növbəti 2 oyun keçirilib.

Prosport.Az xəbər verir ki, günün ilk matçı "Neftçi" və "Cəlilabad" komandaları arasında baş tutub. Görüş "Neftçi"nin 82:71 hesablı qələbəsi ilə yekunlaşıb. Bu qələbə ilə Bakı klubu qrupdan çıxmağı təmin edib.

Ən məhsuldar basketbolçular "Neftçi"dən Ceyms Haforn (17 xal, 7 ribaund), "Cəlilabad"dan Rişon Conson (18 xal, 6 ribaund) olub.

Günün 2-ci oyununda qrupun lideri "Xəzri" "Xırdalan"la qarşılaşıb. Oyunu 75:64 hesabı ilə qalib tamamlayan paytaxt təmsilçisi yarımfinala vəsiqəni təmin edib.

Ən məhsuldar basketbolçular "Xırdalan"dan Cakori Arçi (21 xal, 8 ribaund), "Xəzri"dən isə Ceremi Maklaflin (22 xal, 17 ribaund) olub.

Qeyd edək ki, A qrupunu lider tamamlamaq uğrunda oyun "Xəzri" və "Neftçi" klubları arasında baş tutacaq.