Basketbol üzrə Azərbaycan Kubokunun "A" qrupunda daha bir oyun keçirilib.

Prosport.Az xəbər verir ki, A qrupunun ikinci matçında turnirə yaxşı start vermiş iki klub - "Neftçi" və "Xırdalan" üz-üzə gəliblər.

"Sərhədçi" İdman Mərkəzində oynanılan görüş gərginliyi ilə yadda qalıb. Rəqibinə 80:68 hesabı ilə qalib gələn "Neftçi" "Xəzri" ilə xallarının sayını bərabərləşdirib.

Ən məhsuldar basketbolçular "Neftçi"dən Ceyms Haforn (13 xal, 3 ribaund), "Xırdalan"dan isə Cakori Arçi (27 xal, 5 ribaund) olublar.

Qeyd edək ki, günün ilk matçında "Cəlilabad" "Sumqayıt"ı 90:76 hesabı ilə məğlub edib.