"Bu oyuna ciddi hazırlaşırdıq. Başa düşürdük ki, qələbə bizi kubokun yarımfinalına yaxınlaşdıracaq".

Prosport.Az xəbər verir ki, bunu "NTD-İndiqo"nun baş məşqçisi Tahir Baxşıyev deyib.

Millimizin də baş məşqçisi olan Tahir Baxşıyev basketbol üzrə Azərbaycan Kubokunda "Sərhədçi" ilə (104:70) qarşılaşma barədə fikirlərini bildirib:

"Oyun bizim üçün yaxşı keçdi. 3 xallıq atışların yüksək faizini göstərdik. Bu, komandaya böyük inam verdi. Uşaqlardan və göstərilən oyundan tam razı qaldım. Komandanın müdafiədəki oyunu xoşuma gəldi. Bu həm legionerlərə, həm də yerli gənclərə aiddir. Kubok matçlarını izləyirik, amma bir şey söyləmək hələ tezdir. Bütün mübarizə qabaqdadır. Bu, 2-ci qrupa da aiddir. "Sabah"qrupumuzda favorit olaraq qalır. Amma biz yalnız öz oyunumuzu düşünürük".