"Rəqib sürətdə bizi üstələdi. Demək olar ki, bütün ribaundları uduzduq".

Prosport.Az xəbər verir ki, bu sözləri "Sumqayıt" basketbol komandasının baş məşqçisi Teymur Hüseynov Azərbaycan Kubokunda "Xəzri"yə 81:105 hesabı ilə uduzduqları oyundan sonra klubun mətbuat xidmətinə açıqlamasında deyib.

Mütəxəssisin fikrincə, meydanda 3 legionerlə 2 legionerin fərqi də hiss olundu: "Amma ümumi planda əcnəbi oyunçularımız bu gün özlərini göstərə bilmədi. Ümumiyyətlə, komanda olaraq pis oynadıq. Demək olar ki, qabağa qaçmırdıq. Qabağa qaçmaq üçün də ribaund etməlisən, onu da etmirdik. Müəyyən mənada 2 həftəlik fasilə də komandanı ritmdən saldı".