“Qarabağ”la oyunun nəticəsi bizi nokauta saldı".

Prosport.Az xəbər verir ki, bu sözləri Portuqaliyanın “Braqa” klubunun baş məşqçisi Artur Jorje deyib.

Təcrübəli mütəxəssis UEFA Avropa Liqasının pley-off mərhələsində “Qarabağ”a ümumi hesabda məğlubiyyəti (2:4, 3:2) dəyərləndirib. O, mərhələ adlaya bilməmələrinə məyus olduqlarını söyləyib: “Azərbaycana səfərdən sonra məşq zamanı komandada fiziki yorğunluq hiss olunur. Keyfiyyəti nəzərə alsaq, “Qarabağ”ı keçə bilərdik. İndi vəziyyətdən çıxmaq üçün nə edəcəyimizi bilirik. Bizim öz ambisiyamız var və hədəflərimizə çatmaq üçün mübarizəni davam etdirməliyik. Bəzi səhvlərimiz oldu və bunun cəzasını çəkdik. Artıq daha yaxşısını etməliyik”.

Qeyd edək ki, “Qarabağ” Avropa Liqasının 1/8 final mərhələsində Almaniyanın “Bayer” klubu ilə qarşılaşacaq. İlk oyun martın 7-də Bakıda, cavab görüşü 1 həftə sonra Leverkuzen şəhərində keçiriləcək.