Azərbaycan Premyer Liqasında XXIV turun daha bir oyunu keçirilib.

Prosport.Az xəbər verir ki, günün ikinci matçında "Səbail" "Sabah"ı qəbul edib.

Qarşılaşma meydan sahiblərinin qələbəsi ilə bitib – 2:0. 52-ci dəqiqədə Aleksandr Ramalinqom hesabı açıb. 90+2-ci dəqiqədə Samir Abdullayev matçda son nöqtəni qoyub.

Xallarının sayını 34-ə çatdıran "Səbail" 4-cü pilləyə yüksəlib. Qonaqlar 31 xalla 7-ci sıradadır.

Qeyd edək ki, günün ilk görüşündə "Neftçi" səfərdə "Turan Tovuz"la heç-heçə edib – 1:1. XXIV turun "Araz-Naxçıvan" – "Zirə" və "Qarabağ" – "Sumqayıt" matçları fevralın 25-də olacaq. Ötən gün "Kəpəz" "Qəbələ"ni məğlub edib – 2:1.