Almaniya millisinin sabiq futbolçusu Andreas Breme 63 yaşında dünyasını dəyişib.

Prosport.Az xarici mətbuata istinadən xəbər verir ki, veteran müdafiəçinin ölümünə ürəktutması səbəb olub.

Onu xəstəxanaya çatdırsalar da, həyatını xilas etmək mümkün olmayıb.

Qeyd edək ki, Andreas Breme 1990-cı il dünya çempionatının finalında Argentina seçməsinin qapısına vurulmuş yeganə qolun (penaltidən) müəllifi olub. Həmin görüşdə Bundestim 1:0 hesabı ilə qalib gələrək qızıl medallara sahib çıxıb. A.Breme karyerası ərzində ölkəsinin “Bayern” və “Kayzerslautern”, İtaliyanın “İnter” və İspaniyanın “Saraqosa” klublarında çıxış edib.