Kişilərdən ibarət basketbol millimiz Türkiyənin İstanbul şəhərində 2027-ci ildə Qətərdə keçiriləcək dünya çempionatının təsnifat mərhələsinin oyunlarına hazırlıq məqsədi daşıyan təlim-məşq toplanışına start verib.

Prosport.Az xəbər verir ki, komanda baş məşqçi Tahir Baxşıyevin rəhbərliyi altında gündə 2 dəfə olmaqla həm fiziki, həm də taktiki məşqlər edir.

Fevralın 21-dək davam edəcək təlim-məşq toplanışına bu basketbolçular qatılıb: Amil Həmzəyev, Orxan Aydın, Zaur Paşayev, Endər Poladxanlı, Nəzər Quliyev, Əkbər Məmmədov, Kamran Məmmədov, Ulaş Turqut, Cəbrayıl Əkbərov, Elşad Şirzadov, Şirzad Şirzadov, Fikrət Ələkbərov, Rəşid Abbasov, Səid İsmayılov, Sadəttin Donat, Ərcan Donat.

Millimizin digər 2 üzvü – Zek Ledey və Donta Hol komandaya İsveçrədə qoşulacaq.

Hazırlıq prosesinin sonunda məşqçilər korpusu tərəfindən 12 basketbolçu yekun heyətə cəlb olunacaq.

Qeyd edək ki, yığmamız təsnifat mərhələsində ilk görüşünü fevralın 22-də, Bakı vaxtı ilə saat 22:00-da səfərdə İsveçrəyə, 2-ci oyununu isə fevralın 25-də Bakıda Kosovoya qarşı keçirəcək.