“Çox çətin olacağını bildiyimiz bir matç idi. Sona qədər hər iki komanda çox yaxşı mübarizə apardı”.

Prosport.Az xəbər verir ki, bu sözləri “Sərhədçi”nin baş məşqçisi Evren Alkaya Azərbaycan Basketbol Liqasının XIV turunda səfərdə “Gəncə”yə 79:72 hesabı ilə qalib gəldikləri oyundan sonra klubun mətbuat xidmətinə açıqlamasında deyib.

Türkiyəli mütəxəssis ilk perioda meydan sahiblərinin daha yaxşı başladığını bildirib: “Təəssüf ki, asan xallar qazandılar. Anma sonra öz oyunumuza döndük. Aqressiv müdafiə ilə geridönüş etməyi bacardıq. İki yarını öndə bitirdik. Onların bütün effektiv oyunçularını təhlil etmişdik. Üçüncü periodda rəqibə xal qazanmağa şans vermədik. Sürətli hücumlar və səbətin altındakı hündür oyunçumuzla epizodlar yaratdıq , nəicədə matçı son perioda daşıdıq. Rəqib oyunun sonlarında reaksiya göstərdi. Biz həmin vaxt oyunu yavaşlatmağa çalışdıq və qalib gəldik”.

O, “Gəncə”yə qarşıdakı oyunlarda uğurlar arzulayıb: “Biz də önümüzdəki matçlara baxacağıq. Növbəti oyunumuz kubokda "Gəncə" ilədir. Əlimizdən gələni edəcəyik. Vacib olan "Sərhədçi"ni yüksək yerlərə qaldırmaqdır. Mövsümü layiq olduğumuz yerdə bitirməyə çalışacağıq”.