"Biz Amil Həmzəyevə qarşı düzgün oynaya bilmədik. Ona hücumda çox sərbəstlik verdik. Və nəticədə Amil bu oyunda ən çox xal topladı. Səid İsmayılov da yaxşı oynadı".

Prosport.Az xəbər verir ki, bu sözləri "NTD-İndiqo"nun baş məşqçisi Tahir Baxşıyev deyib.

Azərbaycan Basketbol Liqasının XIII turunda "Xəzri"yə 85:89 hesablı məğlubiyyəti şərh edən mütəxəssis bunu müdafiədəki yanlış oyunla əlaqələndirib: "Biz müdafiədə düzgün oynaya bilmədik. Ən böyük problemimiz bu idi. Bu oyundan nəticə çıxarmalıyıq. İdmanda belə hallar olur. Səhvlərimiz üzərində işləməli və növbəti oyunlara daha hazır çıxmalıyıq. Qarşıda bizi hələ çox oyun gözləyir".

Qeyd edək ki, 22 xala malik "NTD-İndiqo" turnir cədvəlində 3-cüdür.