"İlk 3 periodda çox yaxşı oynadıq. Ancaq bir neçə oyunçumuz rəqibin 3 xallıq atan basketbolçularını saxlamağı bacarmadı".

Prosport.Az-ın xəbərinə görə, bunu "Şəki" basketbol klubunun nigeriyalı baş məşqçisi Aleksander Uco deyib.

O, Azərbaycan Basketbol Liqasının XIII turunda səfərdə "Cəlilabad"a 86:90 hesabı ilə uduzmasının səbəbini izah etməyə çalışıb: "Üstəlik, 1-2 oyunçumuz atış vaxtı səhv qərar verməyə başladı. Həmçinin, son dəqiqələrdəki top itkiləri də məğlub olmağımıza səbəb oldu. Biz yenə 40 dəqiqə birgə mübarizə apara bilmək üçün çalışacağıq".

Qeyd edək ki, "Şəki" çempionatda qələbə qazana bilməyən yeganə komandadır.