Azərbaycan Basketbol Liqasında XIII tura yekun vurulub.

Prosport.Az xəbər verir ki, sonuncu matçda liderlər qrupunda qərarlaşan komandalar Xaçmazda üz-üzə gəliblər.

"NTD-İndiqo" "Xəzri"ni qəbul edib. Qarşılaşma paytaxt təmsilçisinin qələbəsi ilə bitib - 89:85. Xallarının sayını 24-ə çatdıran "Xəzri" lider "Sabah"a çatıb. 22 xala malik "NTD-İndiqo" üçüncüdür.

Qeyd edək ki, bu turda "Xırdalan" "Gəncə"ni (93:87), "Sabah" "Sərhədçi"ni (96:71), "Neftçi" "Sumqayıt"ı (113:96), "Cəlilabad" isə "Şəki"ni (90:86) məğlub edib.