Cəlilabad Olimpiya İdman Kompleksində Azərbaycan Basketbol Liqasının (ABL) XIII turunun növbəti oyunu baş tutub.

Prosport.Az xəbər verir ki, "Cəlilabad" doğma azarkeşləri önündə autsayder "Şəki" klubu ilə qarşılaşıb. Sonuncu periodda 15 xallıq fərqi aradan qaldıran "Cəlilabad" gərgin oyunun yekununda 90:86 hesabı ilə qələbə qazanıb.

Ən məhsuldar basketbolçular "Cəlilabad"dan Zaur Paşayev (26 xal, 3 assist), "Şəki"dən nigeriyalı Pol Dibal (25 xal, 4 ribaund) olub.

Qeyd edək ki, XIII turun son oyunu ("NTD-İndiqo" – "Xəzri") sabah baş tutacaq.