Azərbaycan Basketbol Liqasının XIII turunda "Neftçi" "Sumqayıt" üzərində qələbə qazanıb – 113:96. 

Prosport.Az xəbər verir ki, baş məşqçilər oyundan sonra fikirlərini bildirib.

"Neftçi"nin baş məşqçisi Anar Sarıyevin fikirlərini təqdim edirik: "Ümumi olaraq deyim ki, yeni transferlərimizin hər ikisinin oyununu bəyəndim, əsl komanda oyunçularıdır. İlk oyundan çox xoş təsir bağışladılar. Komanda olaraq daha yaxşı oynadıq. Düzdür, bəzi yerlərdə, əsasən də müdafiədə müəyyən səhvlərimiz var idi. Ancaq buna baxmayaraq, qələbə qazandıq. Təbii ki, səhvlərimizi məşqlərdə müzakirə edəcəyik və onları aradan qaldırmağa çalışacağıq ki, tam istədiyimiz kimi oynaya bilək. Ancaq qeyd etdiyim kimi, komanda kimi çox yaxşı oynadıq. Müdafiədə etdiyimiz müəyyən səhvlərin üzərində çox ciddi çalışmalıyıq ki, "Sabah"la oyuna daha yaxşı hazırlaşaq".