"Sonuncu dəfə 18 il əvvəl burda işləmişdim. Litvada meşədəki evimdə həyat yoldaşım və 2 itimlə birgə oturmuşdum. Birdən "Sabah" klubundan zəng gəldi və işləmək təklifi gəldi. Həyat yoldaşımla məsləhətləşdikdən sonra yenidən burada işləmək qərarına gəldim".

Prosport.Az xəvər verir ki, bunu "Sabah" nasketbol klubunun yeni baş məşqçisi Rimas Kurtinaytis deyib.

O, Azərbaycan Basketbol Liqasının "Sərhədçi" ilə oyunundan sonra keçirilən mətbuat konfransında yenidən Azərbaycana qayıtmasından danışıb:

"Basketbol Federasiyasının sabiq prezidenti Nadir Nəsibov və Azərbaycan basketbolunun "atası" Elxan Əliyevlə telefonda danışdım. Təklif aldıqdan sonra "Sabah"ın "Xırdalan"la oyununa baxdım.

İndi hər klubda 6-7 legioner basketbolçu var. 18 il əvvəl vəziyyət belə deyildi. Həmçinin yerlilər də çox artırıblar. Bir sözlə, Azərbaycan basketbolunda müsbətə doğru çox dəyişiklik var. Bu da məni çox sevindirir. Yalnız azarkeş sayının azlığına təəssüflənirəm. "Qala"nın dönəmində oyunlara daha çox tamaşaçı gəlirdi. Düşünürəm ki, azarkeşləri tribunalara cəlb etməyin üzərində çalışmalıyıq".

O, milli komandada yetirməsi olmuş Tahir Baxşıyevin millimizi çalışdırmasına belə münasibət bildirib:

"Noyabrda Tahir Baxşıyev Litvada güclü ənənəsi olan "Kaunas"da seminarlarda iştirak edib. Onun millidə necə işlədiyini zaman göstərəcək. Amma federasiya ona güvənibsə, deməli, o bunu haqq edib".

Səbuhi Musa