Mahaçqala "Dinamo"sundan ayrılan Qurban Berdıyev Azərbaycanda çalışmayacaq.

Prosport.Az-ın əldə etdiyi xəbərə görə, 71 yaşlı məşqçinin adının Azərbaycanla hallanması menecerlərin işidir.

Bu baş məşqçinin Rusiya I divizionunda lider olan klubu tərk etməsinin səbəbi Azərbaycan yox, Səudiyyə Ərəbistanı və Çindən sərfəli təklif almasıdır.

Üstəlik, AFFA İşçi Qrupuna verilən tapşırıq budur: Rusiya və Ukrayna vətəndaşlığı olan məşqçilər Azərbaycan millisinə gətirilməsin. Berdıyev isə milliyyətcə türkmən olsa da, Rusiya vətəndaşlığına da malikdir.

Onun Murad Musayevin yerinə "Sabah"a keçidi də gündəmdə deyil. Çünki Berdıyevin "Dinamo"dan ayrılması xəbəri çıxanda heç Murad Musayev "Sabah"ın prezidenti Maqsud Adıgözəlova ayrılmaq istəyini bildirməmişdi.

Digər tərəfdən Qurban Berdıyevin harda çalışması yenə də bizə maraqlı məqam olacaq. Çünki millimizin sabiq oyunçusu Ruslan Abışov yenicə onun yanında təcrübə toplamaq üçün "Dinamo"nun təlim-məşq toplanışında olduğu Antalyaya yollanmışdı. Berdıyevin yeni klubuna gedişi Abışovun da ora yollanmasına səbəb ola bilər.

Səbuhi Musa