Polşanın Puutusk şəhərində boks üzrə beynəlxalq turnirdə 1/4 final mərhələsinə yekun vurulub.

Prosport.Az xəbər verir ki, döyüşlərin yekununa əsasən Azərbaycan millisinin 1 boksçusu qələbə qazanıb.

66 kq çəkidə rinqə çıxan Şəhla Allahverdiyeva Asuteya Ausyuteni (Litva) 4:1 (30:27, 30:27, 29:28, 29:28, 27:30) hesabı ilə məğlub edib. O, yarımfinala yüksəlməklə özü üçün ən azı bürünc medalı da təmin edib.

Şəhla Allahverdiyeva finala gedən yolda fransalı Fatia Benmessaellə üz-üzə gələcək.

Qeyd edək ki, yarışın qalibləri sabah bəlli olacaq. Komandamız Polşada 6 qadın boksçu ilə təmsil olunurdu.