Futbol üzrə Azərbaycan Kubokunda 1/4 final mərhələsinə start verilib.

Prosport.Az xəbər verir ki, günün ilk matçında "Səbail" "Zirə"ni qəbul edib.

Qarşılaşma qonaqların qələbəsi ilə bitib – 2:1. 48-ci dəqiqədə meydan sahiblərinin heyətində Mərakeş əsilli niderlandlı yarımmüdafiəçi Ənəs Naja avtoqol müəllifi olub. 59-cu dəqiqədə "qartallar"ın braziliyalı mərkəz müdafiəçisi Ruan Renatu fərqi 2 topa çatdırıb.

70-ci dəqiqədə "dənizçilər"in heyətində Madaqaskar əsilli fransalı hücumçu Aleksandr Ramalinqom cərimə zərbəsindən fərqlənməklə baxımlı qola imza atıb.

Cavab qarşılaşması fevralın 8-də Zirə qəsəbəsində reallaşacaq.

Qeyd edək ki, günün digər görüşündə "Qarabağ" "Sabah"ın qonağı olacaq. 1/4 final mərhələsinin digər 2 oyunu sabah gerçəkləşəcək.