Tanınmış basketbol mütəxəssisi, olimpiya və Avropa çempionu Rimas Kurtinaytis “Sabah” Baketbol Klubunun baş məşqçisi təyin olunub.

Prosport.Az xəbər verir ki, 63 yaşlı litvalı mütəxəssislə 1,5 illik müqavilə imzalanıb. Avropa basketbol tarixinin ən yaxşı “şuter”lərindən hesab olunan Kurtinaytis oyunçu kimi “Jalqiris” (Litva), ÇSKA (Rusiya), “Real” (Madrid, İspaniya) klublarının şərəfini qoruyub.

Rimas Kurtinaytis 3 dəfə Avropa Kubokunu qazanan yeganə məşqçi kimi adını tarixə yazdırıb. 2008/2009 mövsümündə “Lyetuvos Ritas” (Litva), 2011/2012 və 2014/2015 mövsümlərində isə “Ximki” (Rusiya) klubu ilə Avropa Kubokunun qalibi olub. O, 2010/2011 mövsümündə “Ximki” klubu ilə VTB Liqasının çempionu olub. Kurtinaytisin məşqçi kimi hesabında VTB Liqasında 100-dən çox qələbə var.

Xatırladaq ki, litvalı basketbol mütəxəssisi 2002-2006-cı illər aralığında Bakının “Qala” klubunun, eləcə də millimizin baş məşqçisi olub.

Qeyd edək ki, şimali makedoniyalı çalışdırıcı Boban Mitev ötən ay klubdan ayrıldıqdan sonra komandanın baş məşqçi postu boş idi.