"Qəbələ" İdman Klubu baş menecer Nail Kərimovla yollarını ayırıb.

Prosport.Az xəbər verir ki, 2021-ci ilin dekabrından bu vəzifəni tutan futbol funksioneri 2006-cı ildən bu klubda çalışırdı. O, mətbuat xidmətinin rəhbəri, akademiyanın direktor müavini və rəhbəri, həmçinin baş menecer kimi fəaliyyət göstərib.

Onun akademiyada çalışdığı dövrdə aşağı yaş qrupu üzrə "Qəbələ" komandaları dəfələrlə ölkə çempionatının qalibi və mükafatçısı olub, beynəlxalq yarışlarda uğurlar qazanıb, U-19 avrokuboklarda mübarizə aparıb. Nail Kərimov baş menecer kimi klubla Azərbaycan Kubokunun 2022/23 mövsümünün qalibi adını qazanıb.

Həmçinin, "Qəbələ"də yeni təyinat reallaşıb. Baş məşqçi Elmar Baxşıyevin köməkçilərindən biri Rakif Əliyev olacaq. Klub bu gün bu təyinatı açıqlayacaq.

Qeyd edək ki, Rakif Əliyev "Qəbələ"də daha əvvəl də çalışıb. Daha əvvəl "Qəbələ"nin U-15 komandasını çalışdırmış Əliyevin son iş yeri "Qarabağ"ın U-15 komandası olub.