Azərbaycan Basketbol Liqasının XII turunda "Şəki"ni 72:65 hesabı ilə məğlub edən "Neftçi" komandasının baş məşqçisi Anar Sarıyev oyun  haqqında fikirlərini bölüşüb.

Prosport.Az onun və "Şəki"nin nigeriyalı baş məşqçisi Aleksander Uconun fikirlərini təqdim edir:

Anar Sarıyev ("Neftçi"nin baş məşqçisi): "Bu gün demək olar ki, bütün oyunu 3 azərbaycanlı və 2 əcnəbi ilə oynadıq. Daha çox yerli oyunçuları  yoxlamaq istədim. Ona görə də oyun hardasa bərabər gedirdi və xal fərqini çox da artıra bilmirdik. Buna baxmayaraq, qələbə qazandıq. Təbrik edirəm uşaqları! Sabahdan yenə məşqlərə başlayacağıq və "Sumqayıt"la oyuna hazırlaşacağıq".

Aleksander Uco ("Şəki"nin baş məşqçisi): "Bəli, biz I, III və IV periodlarda rəqibdən üstün olduq. Ancaq II periodda 16 xal fərqi ilə uduzmağımız oyunun nəticəsinə təsir etdi. Çünki biz həmin periodun əvvəlində yaxşı müdafiə olunmağı bacarmadıq. Həmçinin, səbətə atışlarımız da dəqiq olmadı. Nəticədə həmin periodda 10:26 hesabı ilə uduzduq. Özümə və oyunçularıma, o cümlədən hörmətli azarkeşlərimizə görə çox məyusam. Biz cərimə atışlarından qaçmaq üçün bunun üzərində işləməyə davam etməliyik. Həm də parketin hər iki hissəsində 40 dəqiqə intizamlı olmalıyıq”.