Voleybol üzrə Azərbaycan çempionatında ilk dəfə Challenge sistemindən istifadə olunub.

Prosport.Az xəbər verir ki, sistem Yüksək Liqanın “Azərreyl” – “Abşeron” qarşılaşmasında tətbiq edilib.

Qaydalara görə, komandalar set ərzində 2 Challenge-dən istifadə etmək hüququna malikdir. Mübahisəli epizodlar üçün nəzərdə tutulan sistem dəqiq qərarların qeydə alınmasına kömək edir. Tərəflər etirazlarında haqlı çıxsalar, bu imkanlarını qoruyur.

Qeyd edək ki, “Azərreyl” – “Abşeron” matçı birinci komandanın 3:2 hesablı qələbəsi ilə yekunlaşıb.