Futbol üzrə Azərbaycan Premyer Liqasında XIX turun daha bir oyununda qol vurulmayıb.

Prosport.Az xəbər verir ki, günün ilk matçı Bakıda baş tutub.

"ASCO Arena"da "Səbail" "Zirə"ni qəbul edib. Qarşılaşma qolsuz bərabərliklə başa çatıb. Meydan sahibləri 27 xalla 3-4-cü yerləri bölüşdürür. Qonaqlar isə 30 xalla 2-ci sıradadır.

Qeyd edək ki, günün digər görüşündə "Kəpəz" "Turan Tovuz"la görüşəcək. Ötən gün "Sabah" – "Neftçi" matçında qolsuz heç-heçə qeydə alınıb. Turun "Qəbələ" – "Sumqayıt" və "Qarabağ" – "Araz-Naxçıvan" oyunları sabah keçiriləcək.