"Neftçi" klubu heyətini yeni futbolçu ilə gücləndirib.

Prosport.Az xəbər verir ki, "ağ-qaralar" Brayan Morenonu sıralarına qatıb.

Kolumbiyalı hücumçu ilə 1,5 illik müqavilə bağlanıb. 24 yaşlı futbolçu "Neftçi"nin heyətində 88 nömrəli formanı geyinəcək.

Qeyd edək ki, Brayan Moreno Kolumbiyada "Atletiko Uila"da və Bolqarıstanda Sofiya MOİK-inin formasını geyinib. O, sərbəst futbolçu kimi "Neftçi"yə keçib.

Xatırladaq ki, "Neftçi"nin son transferi də Bolqarıstan "transfer bazarı"ndan olmuşdu. Klub Plovdiv "Lokomotiv"indən Syerra Leonedən olan Alfa Konteni transfer etmişdi.