"Səbail" klubu növbəti transferini rəsmiləşdirib.

Prosport.Az xəbər verir ki, Bakı klubu Ayub Masika ilə anlaşıb.

Premyer Liqa klubu keniyalı sol cinah hücumçusu ilə 1,5 illik müqavilə bağlayıb və yeni klubunda 77 nömrəli formanı geyinəcək. O, sonuncu dəfə "Nankin Siti"nin (Çin) formasını geyinib.

Qeyd edək ki, 32 yaşlı hücumçu Belçikada "Anderlext"in yetirməsi olub. O, peşəkar karyerası ərzində Belçikanın "Xenk", "Lyers", Çinin "Pekin Çenqfenq", "Heyloncan Ays Siti", İngiltərənin "Redinq", Yaponiyanın "Vissel" və Tailandın "Buriram Yunayted" kimi klublarında çıxış edib. Ayub Masika Keniya yığmasının heyətində 24 oyunda 4 qol vurub.

Xatırladaq ki, "Səbail" 2 gün əvvəl yenə eyni mövqeyə afrikalı legioner transfer etdiyini açıqlamışdı. Belə ki, Qvineya Bissaudan olan Madi Keta ilə 1,5 illik müqavilə bağlanmışdı.