"Azərbaycanda daha baş məşqçilik etməyəcəyəm".

Bu barədə Prosport.Az-a Azərbaycan Yüksək Liqasında fəaliyyətini dayandıran "Xarı Bülbül Şuşa" komandasının baş məşqçisi Ziya Rəcəbov deyib.

O, komandanın fəaliyyətini dayandırmasından danışarkən bunları qeyd edib: "Demək olar ki, bütün legionerlər komandadan getmişdi. Yalnız serbiyalı Aleksandar Okoliç və Ukrayna əsilli rusiyalı Pavel Moroz qalmışdı. Onların da təklifləri vardı. Dedik ki, bizə görə qalmayın. Müqavilələrinə xitam verildi. Çünki onları burada saxlamaq da sərf etmirdi. Onların ev kirayəsi, qidalanma xərcləri vardı. Bunları ödəmək lazımdır. Ona görə də onlarla da vidalaşdıq.

Artıq özümə söz vermişəm ki, Azərbaycan Voleybol Federasiyasında rəhbər dəyişikliyi olmayanadək məşqçi kimi Azərbaycanda işləməyəcəyəm. Ancaq xaricdə çıxışımı davam etdirəcəyəm".